ئێران جەخت دەکاتەوە لەوەی بەرنامەی نییە بۆ کڕینی چەک و لە ڕاگەیەندراوەکانیدا تەنها ئاماژە بە نۆژەنکردنەوەی تواناییە چەکییەکانی دەکات کە مێژووی دەگەڕێتەوە بۆ بەر لە ساڵی 1979ی شۆڕشی ئیسلامی ئێران.
فڕۆکەی شاندەکە لە فڕۆکەخانەی بن گۆریۆن لە ئیسرائیەوە بە ئاسمانی شانشینی عەرەبستانی سعودیەدا ڕۆیشتووە بۆ مەنامە و لەوێش لە فڕۆکەخانەی ئەلموحەرەقی لەشکری نیشتۆتەوە.
ئاگربەستی دووهەم، کە پاش یەک هەفتە لە ئاگربەستی یەکەم ڕاگەیەندرا، دوای پەیوەندییە تەلەفونییەکانی نێوان سێرگیێ لاڤرۆڤ، وەزیری دەرەوەی ڕوسیا بوو لەگەڵ هاوشانەکانیدا لە ئەرمینیا و ئازەربایجان.
لە هەرێـمی گۆر، بە بەراورد لەگەڵ هەرێمەکانی تری وڵاتەکەدا، لە چەند ساڵی ڕابردوودا توندوتیژییەکی ئەوتۆ نەبینراوە.
بۆریڵ لە کۆبوونەوەی وەزیرانی دەرەوەی یەکێتی ئەوروپا لە لوکسمبۆرگ، ئاماژەی بەوەش کردووە کە ئەم هەنگاوەی تورکیا جێی مەخابنە و دەڵێت " ئەم هەنگاوەی تورکیا دەبێتە مایەی ئاڵۆزییەکی نوێ، نەک بەشداریکردن لەو هەوڵانەی بۆ هێورکردنەوەی ڕەوشەکە وەک ئەوەی داوامان دەکرد لە دوا کۆبوونەوەی ئەنجومەنی ئەوروپادا.
سەرکردەی ستونە لەشکرییەکانی ئەمریکا دەڵێت دۆسێ سەرەکییەکە لێرەدا ئەوەیە "ئێمە دەمانەوێت بەرپرسیارانە کۆتایی بە شەڕ بێنین و مەبەستیشمانە، جا بۆ ئەوەی بگەینە ئەو ڕەوشە، متمانەدانە بۆ پارێزراوی بەرژەوەندییەکانی ئاسایشی نیشتمانی ئەمریکا، کە لە ئەفغانستاندا سەنگی مەحەکە."
گەمارۆی چەک لەسەر ئێران لە ڕۆژی 18ی ئەم مانگی دەیەوە وادەکەی کۆتاییدێت، بەپێی بڕیاری نەتەوە یەکگرتووەکان. ئەو بڕیارەی یو ئێنوەک بەرەنجامێک بووە بۆ ڕێککەوتنە ناوکییەکەی ساڵی 2015 ی ئێران و زلهێزەکانی جیهان.
لە میانەی پەیوەندییە تەلەفونیەکەشیاندا، نەتەنیاهۆ و شێخ موحەمەد بن زاید ئال نهیان باسیان لە بەرەنگاربوونەوەی پەتای کۆرۆناش کردووە.
وڵاتانی یەکێتی ئەوروپا لە هەوڵی زیاتر کردنی فشارەکاندان لەسەر ڕژێمی بێلاڕوس بەهۆی سەرکوتکردنی خۆپیشاندەرانەوە.
کێشەی گەڕان بە شوێن سەرچاوەکانی وزەدا لە دەریای ناوەڕاستدا وەهای کرد ئەم دوو وڵاتەی ئەندامی هاوپەیمانێتی ناتۆ، لە مانگی هەشتدا مانۆڕی سەربازی لەبەرامبەر یەکدا بکەن لەو ڕووبەرە ئاویە ستراتیژیەی دەکەوێتە نێوان قوبرس و دوڕگەی کریتی یۆنانەوە.
وەزیرانی دەرەوەی یەکێتی ئەوروپا ئەمڕۆ دووشەممە لە لوکسمبۆرگ کۆبوونەتەوە و تاووتوێی پێشنیازێکی هاوبەشی فەڕەنسا و ئەڵمانیایان کردووە بۆ سڕ کردنی سامانەکانی هەموو ئەوانەی گومانی ژەهراوی کردنی ڕێبەری ئۆپزسیۆنی ڕوسیایان لەسەرە و هەروەهاش قەدەغەکردنی هاتوچۆیان بۆ وڵاتانی ئەوروپا.
سەرۆک ترامپ، گردبوونەوەکان لە ستانەکانی فلۆریدا و پێنسلڤانیا و ئایەوا دەکات، ئەم 3 ستانەش گرنگن بۆ سەرکەوتن لە هەڵبژاردنی سەرۆکایەتی ئەمریکادا و هاوکات کاندیدی دیموکراتەکانیش دەڕوات بۆ ستانی ئۆهایۆ .
سەرۆک ترامپ لە وتووێژەکەیدا لەگەڵ کەناڵی فۆکس نیوس، دەڵێت " بەرگری جەستەیی هەیە و لەوانەیە بۆ کاتێکی درێژخایەن بێت و لەوانەشە بۆ کورتخایەن بێت، ئەوەیان نازانم بەڵام دەزانم لەشم بەرگری هەیە."
دروشمی ئەمساڵی 2020ی ڕۆژی جیهانی کچانی منداڵ بریتییە لە "دەنگم و ئایندەی هاوبەشمان"ە.
ئەم دەنگدانەی ئەمڕۆ یەکشەممە لە دوڕگەی قوبرس، هاوکاتە لەگەڵ ئەو ڕوانینەی کە دەڵێت تورکیا هەوڵی ئاڕاستەکردنی 200 هەزار دەنگدەری قوبرسییە تا دەنگ بدرێت بە ئارسین تەتەر، کاندیدی ڕاستڕەوەکان.
دەسەڵاتدارانی سوریایی و لوبنانی خەخت دەکەنەوە لە کۆنترۆڵکردنی ئەو ئاگرەی لە چەند بەشێکی هەردوو وڵاتدا کەوتبووەوە.
دوو گەورە کاربەدەستی کۆماری ئیسلامی ئێران توشی پەتای کۆرۆنا دەبن و ژمارەی توشبوون و مردنیش بەم پەتایە لە ئێران لە هەڵکشاندایە.
بەپێی ئەو ئاگربەستەی ڕۆژی هەینی لە مۆسکۆ ڕێککەوتنی لەسەر کرا، پێویستە دیلەکانی شەڕ و هەروەها تەرمی کوژراوەکانیش لە نێوان ئەرمینیا و ئازەربایجاندا ئاڵوگۆڕ بکرێن.
ئەمەریکا پـیرۆزبایی لە حکومەتی ناوەندی عێراق و حکومەتی هەرێمی کوردستان کرد لەسەر ئەو ڕێکەوتنەی پـێی گەیشتوون بۆ ئاسایـیکردنەوەی ژیان لە شەنگال
پەتای کۆرۆنا بوو بە بابەتی سەرەکی دیبەیتی نێوان سیناتۆر کامڵا هێرس، کاندیدی دیموکراتەکان بۆ پـۆستی جێگری سەرۆکی ئەمەریکا و مایک پـێنس جێگری سەرۆکی ئەمەریکا، کاندیدی کۆماریـیەکان
زیاتر نیشـان بده
