سه‌رکرده‌یه‌کی له‌شکری ئازادی سوریا ده‌ڵێت "زۆر جێی مه‌خابنه، تورکیا له‌م شه‌ڕه‌دا هیوابڕاوی کردین هیچ پشتیوانیه‌کی نه‌کردین".
په‌رله‌مانی تورکیا ده‌ست ده‌کات به وتووێژه‌کان له‌سه‌ر ئه‌گه‌ر و نه‌گه‌ری به‌شداری له‌شکری تورکیا له شه‌ڕه‌کانی ده‌وڵه‌تی ئیسلامی له هه‌ردوو وڵاتی عێراق و سوریاشدا و به‌رنوسه‌که‌ش په‌سه‌ند ده‌کات.
ڕاپـۆرتێـکی نوێ ڕیزبه‌ندی ئه‌و شێوازه سه‌رسوڕهێنه‌ره به‌ربڵاوه‌ی پـێشـێلکاریـیه‌کانی ده‌وڵه‌تی ئیسلامی ده‌کات که له دژی هاوڵاتیانی سیڤیل له عێراق ئه‌نجامی ده‌ده‌ن و زۆربه‌یان ده‌گه‌نه ئاستی تاوانه‌کانی جه‌نگ
له‌گه‌ڵ ئه‌وه‌شدا به‌ڕێوبه‌رایه‌تیه‌که‌ی سه‌رۆک ئۆباما جه‌خت ده‌کاته‌وه له‌وه‌ی هێزی سه‌ربازی نانێرێت بۆ عێراق به‌ڵام هه‌ندێک له شاره‌زایان له‌وبڕوایه‌دان ته‌نها هێرشی ئاسمانی بۆ سه‌ر تێرۆریستانی ده‌وڵه‌تی ئیسلامی ئه‌و ئه‌نجامانه‌ی نابێت که چاوه‌ڕوانی ده‌کرێن.
له‌گه‌ڵ ئه‌وه‌دا ماوه‌یه‌کی هێنده نییه حه‌یده‌ر عه‌بادی ده‌ستیکردووه به پۆسته‌که‌ی وه‌ک سه‌ره‌ک وه‌زیری عێراق به‌ڵام ئایا ئاماژه‌یه‌کی وه‌های نیشان داوه که بگوترێت سیاسه‌ته‌کانی عه‌بادی جیاوازن لهوانه‌ی نوری ئه‌لمالیکی سه‌ره‌ک وه‌زیری پێشوی وڵاته‌که؟.
سه‌رۆکی تورکیا له وتاره‌که‌یدا له کۆڕبه‌ندی ئابوری جیهانیدا گازه‌نده له وڵاتانی جیهان ده‌کات و پێیان ده‌ڵێت بۆ به‌ره‌نگاربوونه‌وه‌ی تێرۆریستانی ده‌وڵه‌تی ئیسلامی هاوپه‌یمانێتی پێکده‌هێنرێت به‌ڵام به‌رامبه‌ر به پارتی کرێکارانی کوردستان هیچتان نه‌کرد.
ده‌کرێت بگوترێت تێکڕاییه‌ک هه‌یه له‌سه‌ر ئه‌وه‌ی شه‌ڕی دژی تێرۆریزم هه‌ر ته‌نها به ئۆپه‌راسیۆنی له‌شکریی ناکرێت، به‌ڵکو کۆمه‌ڵێک ڕه‌هه‌ندی تریش هه‌ن.
ئه‌ندامێکی جڤاکی نیشتیمانی بزووتنه‌وه‌ی گۆڕان له‌به‌رده‌م ماڵه‌که‌ی خۆیدا له شاری هه‌ولێر ده‌کوژرێت.
هه‌رێمی کوردستانی عێراق له قه‌یرانه‌کانی ئه‌م دواییه‌دا و به تایبه‌تیش پاش ده‌رکه‌وتنی ڕێکخراوی توندڕه‌وی ده‌وڵه‌تی ئیسلامی یا( داعش) به ئاشکرایی دیارده‌ی دوو جه‌مسه‌ریی پێوه دیاربووه و تا ئێستاشی له‌گه‌ڵدا بێت هه‌ر به هه‌مان شێوه ماوه‌ته‌وه.
باوه‌ڕ ناکه‌م که‌سێک هه‌بێت نکوڵی له گرنگی هه‌بوونی کتێبخانه و بوونی چاپه‌مه‌نی بکات له ژیانی فه‌رهه‌نگی و هه‌روه‌هاش له ژیانی تایبه‌تی که‌سه‌کاندا.
تاران له لایه‌ک و ئانکه‌ره و ڕیاز له لایه‌که‌ی تر له پێشبڕکێیه‌کی به‌رده‌وامدان بۆ پاوانکردنی ده‌سه‌ڵاته‌کانیان وه‌ک دوو جه‌مسه‌ری شیعه‌گه‌را و سوننه‌گه‌را له ناوچه‌که‌دا.
وڵاته یه‌کگرتووه‌کانی ئه‌مریکا جه‌خت ده‌کاته‌وه له‌وه‌ی هێزی سه‌ربازی نانێرێت بۆ عێراق و بۆ سوریاش بۆ شه‌ڕی تێرۆریستانی ده‌وڵه‌تی ئیسلامی.
سه‌رۆک ئۆباما له میانه‌ی وتاره‌که‌یدا له باره‌گای سه‌ره‌کی نه‌ته‌وه یه‌کگرتووه‌کان داوا له توندڕه‌وانی ده‌وڵه‌تی ئیسلامی ده‌کات و ۆێیان ده‌ڵێت "مه‌یدانی جه‌نگ جێبهێڵن ئه‌گه‌ر ده‌رفه‌تتان هه‌بوو".
فڕۆکه جه‌نگیه‌کانی وڵاته یه‌کگرتووه‌کانی ئه‌مریکا ده‌ستیان کرد به بۆردومانکردنی شوێنه‌کانی تێرۆریستانی ده‌وڵه‌تی ئیسلامی له سوریادا.
له ڕاگه‌یاندنێـکی سه‌رکردایه‌تی ناوه‌ندی له‌شـکری ئه‌مه‌ریکادا هاتووه شه‌وی ڕابردوو له ئاکامی 14 هێرشی ئاسمانی بۆ سه‌ر نیشانه‌کان له چوار ناوچه‌ی ڕۆژهه‌ڵاتی سوریادا بۆ سه‌ر شوێنه‌کانی ده‌وڵه‌تی ئیسلامی زیانێـکی زۆریان لێکه‌وتوون و وێرانیش بوون
هه‌تا ئێستاشی له‌گه‌ڵدا بێت لایه‌نه سیاسیه‌کانی پارێزگای سلێمانی له هه‌رێمی کوردستانی عیراق نه‌گه‌یشتونه‌ته ڕێکه‌وتنێک بۆ یه‌کلاکردنه‌وه‌ی پۆستی پارێزگار.
یه‌کێک له بیانوه‌کانی تورکیا بۆ ئه‌و دوو دڵیه‌ی هه‌یبووه بۆ به‌شداریکردن له هاوپه‌یمانێتیه‌کی نێونه‌ته‌وه‌ییدا دژی ڕێکخراوی تێرۆریستی ده‌وڵه‌تی ئیسلامی ئه‌و 49 دیپلۆماته‌ی تورکیا بوون که له دوای داگیرکردنی شاری موسڵه‌وه داعش به بارمته گرتبوونی.
بۆ زۆر که‌س گوێگرتن له گۆرانی و ئاواز به‌شێکه له خۆ دوورخستنه‌وه له جه‌جاڵی و ئاڵۆزیه‌کانی ژیانی ڕۆژانه، به‌ڵام که‌میش نین ئه‌وانه‌ی له‌گه‌ڵ گۆرانیه‌کدادین ده‌که‌ونه شه‌ن و که‌و کردنی خه‌م و مه‌ینه‌تیه‌کانیان.
جارێکی تریش تێرۆریستانی ده‌وڵه‌تی ئیسلامی هێرشیان کردۆته‌وه سه‌ر کۆبانی و هێرشه‌کانیش تا ئێستا به‌رده‌وامن.
په‌یوه‌ندیه‌کانی تورکیا له‌گه‌ڵ هه‌رێمی کوردستانی عێراقدا هێنده زۆر بوو گه‌یشته ئه‌و ئاسته‌ی کۆنتراکتێکی سوته‌مه‌نی له‌گه‌ڵدا مۆر بکرێت بۆ ماوه‌ی 50 ساڵ.
زیاتر نیشـان بده
