کاربەدەستانی ئاسایشی کوردی دەڵێن ئۆتۆمبیلێ بۆمبڕێژکراو پاش نیوەڕۆی ئەمڕۆ پـێنجشەممە لە بەردەم کڵێسای عەزرای ناوچەی وستای شاری قامیشلو تەقیوەتەوە و لە ئاکامدا 12 کەس بە سووکی برینداربوون.
بەپـێی سەرچاوە تەندروستیـیەکان زۆربەی بریندارەکان کرستیانن و ڕوانەی سێ نەخۆشخانەی شارەکە کراون. کارمەندانی تەندروستی دەڵێن بریندارەکان باری تەندروستیان جێگیرە و برینەکانیان قورس نیـیە.
تەقینەوەکە هێندە بەهێزبووە زیانی مادی زۆری بە کڵێساکە و ناوچەکە گەیاندووە.
کاربەدەستانی ئاسایش دەڵێن گروپە تێرۆرستیـیەکان لە پشت ڕووداوەکەوەن. هەتا ئامادەکردمی ئەم هەواڵە کەس بەرپـرسیارێتی خۆی لە تەقینەوەکە ڕانەگەیاندووە.
زانا عومەر پەیامنیری دەنگی ئەمەریکا گەیشتووەتە شوێنی تەقینەوەکە و لەوێوە ڤیدیۆیەک و چەند وێنەیەکی ناردووە.
Your browser doesn’t support HTML5
ڤیدیۆی شوێنی تەقینەوەکەی بەردەم کڵێسای عەزرا لە قامیشلو