کۆمەڵەی سوریا بۆ چاودێری مافەکانی مرۆڤ دەڵێت ژمارەی قوربانیانی هێرشەکەی داعش لە ڕۆژی چوارشەممە بۆ سەر پارێزگای سوەیدای زۆرینە دورزی سوریا گەیشتە زیاتر لە 220 کوژراو.
ڕامی عەبدولڕەحمان بەڕێوەبەری کۆمەڵەکە بۆ ئاژانسی دەنگ‌وباسی فڕانسی ڕاگەیاند 127 کەس لە کوژراوەکان کەسی سیڤیل بوون و تەنانەت چەکدارەکانیشی کوژراون خەڵکی ناوچەکە بوون لەوانەی چەکیان بۆ شەڕی دژی داعش هەڵگرتبوو. گوتیشی بەشێک لە کوژراوەکان لە ناو ماڵەکانیان گولـلەبارانیان کردوون.
هەروەها کۆمەڵەکە لەسەر ماڵپەڕەکەی نووسیویەتی لە هێرشەکەدا کە کرابووە سەر شاری سوەیدا و چەند گوندێکی پارێزگاکە 38 چەکداری داعشیش کوژراون، لەوانە 7 چەکداریان خۆکوژ بوون.