ئاسۆ جه‌بار: نوێنه‌راتی حکومه‌ت و پارته‌کان له‌ئه‌مریکا بێچگه‌ له‌پیشوازی و ته‌شریفاتی هیچیان بۆ کورد نه‌کردوه‌.

ئاواره‌کانی ناوچه‌کانی کوردستان به‌تایبه‌تی شنگال و کوبانی تائێستا له‌دۆخێکی ناهه‌مواردا ده‌ژین، زۆر ڕێکخراوی خێرخواز له‌هه‌وڵدان بۆ دابینکردنی پێداویستی و یارمه‌تی بۆیان به‌تایبه‌تی وه‌رزی سه‌رماو سۆڵه‌ ناوچه‌که‌ی گرتوه‌ته‌وه‌.

ڕێکخراوی کوردستان سێنته‌ر بنکه‌ له‌ئه‌مریکا ڕێکخراوێکی بێقازانجه‌ و یه‌کێکه‌ له‌وڕێکخراوانه‌ی له‌مبواره‌دا کارده‌کات.

له‌مباره‌یه‌وه‌ له‌گفتووگۆیه‌کدا بۆ ده‌نگی ئه‌مریکا نوسه‌ر و چالاکوانی بواری مه‌ده‌نی ئاسۆ جه‌بار که‌ خۆبه‌خشانه‌ بۆ ئه‌م سه‌نته‌ره‌ کارده‌کات، ده‌رباره‌ی کار و چالاکیه‌کانی ڕێکخراوی کوردستان سێنته‌ر ده‌ڵێت:

یارمه‌تیه‌کان له‌ئاستی پێویستدا نه‌بوه‌، ‌ڕه‌وه‌ندی کوردی به‌هۆی کاریگه‌ری حیزبه‌وه‌ وه‌ک پێویست به‌ده‌نگ سه‌نته‌ره‌که‌وه‌ نه‌هاتوه‌، به‌ڵام له‌ڕێی هه‌ڵمه‌ته‌کان بۆ کۆکردنه‌وه‌ی یارمه‌تی توانیومانه‌ که‌سانێک بدۆزینه‌وه‌ یارمه‌تی بده‌ن.

ئاسۆ جه‌بار