کاربەدەستانی عێراق دەڵێن 6 کەس کوژراون و 15 کەسی دیکە برینداربوون لە ئەنجامی 3 تەقینەوە لە یەک کاتدا لە سێ ناوچەی جیاوازی بەغدا.
تەقینەوەکان شەوی سێشەممە لە نزیک کاتژمێر 8 بوون. یەکەمیان بە ماتۆرسکیلێک لە ناوچەی شوهەدا ئەلبەیاع لە باشوری ڕۆژاوای بەغدا لە نزیک مزگەوتێکی شیعە و بەهۆیەوە 2 کەس کوژران و 6 ی دیکە برینداربوون.
دوومیان ئەویش بە ماتۆرسکیلێک لە نزیک بازاڕێک لە ناوچەی شەعب باکوری ڕۆژهەڵاتی شارەکە و لەوێش 3 کەس کوژران و 5 برینداربوون.
سێـیەم بۆمبی چێنراو لە نزیک بازاڕێک لە ناوچەی بەلەدیات لە باشوری ڕۆژهەڵاتی بەغدا و لە ئاکامدا 1 کەس کوژراوە و 4 کەس برینداربوون.
هێشتا ڕوون نیـیە کێ لە پشت ئەم تەقینەوانەیە.
پـێشتر داعش دەیان تەقینەوەی لەم شێوەیەی لە بەغدا و شارەکانی دیکەی عێراق ئەنجام داوە.