حه‌مید به‌هرامی باس له‌ ژیانی خۆی له‌ تاراوگه‌ ده‌کات

بۆ ئه‌م به‌رنامه‌یه‌ی کورد له‌ تاراوگه‌ ڕوو ده‌که‌ینه‌ شـاری ڤانکوڤه‌ر له‌ به‌شی بریتش کۆلۆمبیا له‌ که‌نه‌دا و له‌وێ کاک حه‌مید به‌هرامی ده‌که‌ینه‌ میوان.

حەمید بەهرامی کورته‌یه‌ک ده‌رباره‌ی ژیانی خۆی ده‌ڵێت: من لە ساڵی 1966 زاینی لە دیواندەرە لە رۆژهەڵاتی کوردستان لە دایک بووم تا دیپلۆم لە ئێران دا دەرسم خۆێندوە. بەهاری ساڵی 1360ی هەتاوی بە تاوانی هەڵسوڕان و لایەنگری لە کۆمەڵە سەرەرای ئەوەی تەمەنم کەم بوو بۆ ماوەی یەک ساڵ گیرام و لە زیندانی کۆماری ئیسلامی دا لە ژێر ئازار و ئەشکەنجەدا بووم. و پاشان دوور خرامەوە بۆ شاری نەجەف ئاوا لە پارێزگای ئیسفەهان.

هاوینی 1362 رۆم لە شاخ کرد و لە ناو کۆمەڵە گیرسامەوە. ساڵی 1991 چومە تورکیە و ساڵی 1992 وەکو مەهاجیر هاتمە وڵاتی کانەدا. پاش خوێندنی زمانی ئینگلیسی لە گرانت مکوین کالج لە شاری ئەدمونتون دەرسی کامپیوتر و چێ کردنی مالپەرم خۆێند. لە بواری راگەیاندن دا کار دەکەم و بە ناردنی راپۆرت و سازدانی چاوپێکەوتن لەگەڵ کەسانی شارەزا لە بوارە جۆراوجۆرەکاندا یارمەتی رۆژهەڵات تی ڤی دەدەم .

لەم شارەی کە تێیدا دەژیم واتە ڤانکوڤەر لەگەڵ کامیونیتی کوردی کار دەکەم و لەم بوارەشدا چالاکیم هەیە. هۆی ئاوارە بوون و پەڕیوەی هەندەران بوونم بە خاتر بیر و فکری سیاسی بوو بۆیە ئێستاش هەروا درێژە بە خەباتی سیاسی خۆم بۆ وەدەست هێنانی مافە ڕەواکانی گەلی کورد دەدەم . لە باری خێزانیەوە خاونی هاوسەر و دوو کور و کچێکم. بۆ بژیوی ژیانی خۆم و منداڵەکەنم کار دەکەم و بێزنێسی خۆمم هەیە.

ده‌توانن گوێبیسـتی ده‌قی به‌رنامه‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ‌، ماوه‌كه‌ی 13:16 خوله‌كه‌.