کۆمسیۆنی سەربەخۆی هەڵبژاردنەکانی ئەفغانستان ڕایگەیاند هەڵبژاردنی سەرۆکایەتی لە مانگی چواری ساڵی داهاتوو بەڕێوەدەچێت، واتە شەش مانگ لە پاش هەڵبژاردنەکانی پەرلەمان و ئەنجومەنی هەرێمەکان.
عەبدولباست عەبدی سەیاد سەرۆکی کۆمسیۆنی هەڵبژاردنەکان ئەمڕۆ چوارشەممە گوتی هەڵبژاردنی سەرۆکایەتی لە 20 ی مانگی چوار بەڕێوەدەچێت. گوتیشی باری ئاسایشی و بابەتی دیکە لەبەرچاو گیراون.
بەڵام حەفیزوڵڵا هاشمی لە کۆمسیۆنی هەڵبژاردنەکان گوتی" ڕەوشی ئاسایش و دابینکردنی پارە بۆ پـرۆسەی هەڵبژاردنەکان و ئەو ماوە کورتەی لە نێوان هەڵبژاردنەکاندا هەیە، گەورەترین کۆسپن لە بەردەمی ئەم هەڵبژاردنانە."
بەپـێی کۆمیتەکە 9 ملیۆن کەس مافی دەنگدانیان هەیە، لەوانە 3 ملیۆنیان ژنن.
تادامیچی یامامۆتۆ سەرۆکی شاندی نەتەوە یەکگرتووەکان بۆ ئەفغانستان لەم بارەیەوە لە بەیانـنامەیەکدا خۆشحاڵی خۆی دەربڕی و بە ساتێکی گرنگی لە دیموکراسی ئەفغانستان ناودێرکرد.