تە‌قینە‌وە‌ى بۆمبێکى چێنراو لە‌نزیک مە‌زارگە‌ى باوە‌مە‌حمودى سە‌ربە قە‌زاى خانە‌قینى پارێزگاى دیالە، کوژرانى دوو ژن و برینداربوونى 6 کە‌سى ترى لێکە‌وتە‌وە.
سە‌رچاوە‌یە‌کى ئە‌منى بە‌رپرس لە‌قە‌زاى خانە‌قین ى پارێزگاى دیالە، بە‌دە‌نگى ئە‌مە‌ریکاى ڕاگە‌یاند"3 بۆمبى چێنراو لە نزیک مە‌زارگە‌ى باوەمەحمود دانراون، دووانیان پوچە‌ڵکراونە‌تە‌وە و یە‌کێکیان بە‌کۆمە‌ڵێک ژنى زیارە‌تکاردا تە‌قیوە‌تە‌وە."
مە‌زارگە‌ى باوە‌محمود، مە‌زارگە‌یە‌کى ئاینیە، شیعە و سونە و کاکە‌ییە‌کانیش سە‌ردانى دە‌کە‌ن، کە دە‌کە‌وێتە نێوان قە‌زاى خانە‌قین و کە‌لار و ناحیە‌ى جە‌لە‌ولاى پارێزگاى دیالە‌وە.
مە‌زارگە‌کە دە‌کە‌وێتە سنورى دە‌سە‌ڵاتى هێزە عێراقیە‌کانە‌وە، بە‌ڵام هێزى پێشمە‌رگە‌ش لە‌و ناوچە‌یە‌وە نزیکە و چە‌کدارانى داعشیش لە‌ناوچە‌کە‌دا بوونیان ەە‌یە.
مانگى ڕابردوو هەر لە‌نزیک ئە‌و ناوچە‌یە ، فڕۆکە‌ى عێراقى 6 چە‌کدارى داعشى پێکە‌وە کوشت، هە‌روەها چە‌کدارانى داعشیش لە‌چە‌ند شە‌وى ڕابردوودا موختارێکى گوندى قایە‌یان کوشت.
لیوا محە‌مە‌د ڕە‌حیم جێگرى فە‌رماندە‌ى میحوە‌رى گە‌رمە‌سێرى پێشمە‌رگە، بە‌دە‌نگى ئە‌مە‌ریکاى ڕاگە‌یاند"شە‌وى ڕابردوو دوو ئۆتۆمبێل چە‌کدارى حە‌شد و پۆلیسى ئیتیحادى پاسە‌وانێتى مە‌زارگە‌کە‌یان کردووە."
وتیشى"دانانى ئە‌و بۆمبانە جێى گومان و سە‌رسوڕمانە."
دانانى بۆمب لە‌نزیک مە‌زارگە‌ى باوەمەحمود، لە‌کاتێکدایە شیعە ئاینزاکان بە‌ەۆى مانگى موحە‌رە‌مە‌وە سە‌ردانى ئە‌و مە‌زارگە دە‌کە‌ن
دەقی ڕاپۆرتی پەیامنێرمان دڵشاد ئەنوەر
